Emozio festa!

Eneko eta Nerea eskolara itzuli dira, abentura berri batean murgilduko dira.
Oraingo honetan, eskolako 1. eguna izango dute oinarritzat. Egun horretan denak urduri daude: gurasoak, irakasleak, eta nola ez; gure bi lagunak.

Askok ez dakite egoera horretan sortzen diren emozioak kudeatzen: beldurra, urduritasuna, poztasuna…
Egun berezi honetan, udan ikusi ez dituzten lagunak topatuko dituzte berriz eta, oraingoan, gure bi protagonistek ikasle berri bat ezagutuko dute, eta ez edonolakoa: honek denak ikaratuko ditu eta gure lagunek aurre egin beharko diote egoera zail eta berri honi.

Gainera, Enekok lagunei azaldu beharko die zeliakoa dela. Nola esango die? Zer suposatzen du horrek gelan? Irri egingo diote?

Musikaz, dantzaz eta irriz betetako abentura berri honetan, ikusleak, emozioetan murgilduko dira. Emozio hauek guztiak, beharrezkoak dira bizitzan eta saiatuko gara erakusten, nola kudeatu emozio horiek.

Honen harira, saiatuko gara ere gure ikuslegoari erakusten egoera zailei nola aurre egin. Eszenatokia gure eskola bihurtuko dugu eta bertan pasarte dibertigarriak eta dantzagarriak biziko ditugu. Ez dira faltako Enekoren eta Nerearen irriak eta bihurrikeriak. Oso ongi pasako dugu eta, gainera, gure sabelean sortzen diren kilima edo nahasmen hori ulertuko dugu; nola ez, beti ahoan irrifarrea izanik.

Ez galdu abentura hau, ezingo zara eserlekuan geldirik egon. Gozatu, dantzatu, irri egin eta asko ikasi Ene kantak-en ikuskizun paregabe honekin.

Promozio berezia

• Antzokiaren lagunak: % 15eko deskontua estreinaldiko emanaldirako. Kuota mugatua. Deskontuak erregistratutako antzerki-lagun bakoitzeko sarrerarako balio du. Aretora sartzean identifikatzeko eska dezakete.

Informazio lagungarria

• Sarreren prezioa bera da Campos Antzokiaren leihatilan nahiz web orrialdean.
• BEZa eta banaketa/ticketing gastuak sartuta daude prezioan.
• Gurpil-aulkia behar duten pertsonentzako sarrerak txarteldegian bakarrik erosi ahalko dira; nahi izanez gero, eserlekuen erreserba egin dezakezu 94 443 86 10 telefono-zenbakira deituta.
• Aretora Interneten bidez erositako sarrerekin sartzeko: Eserlekuak inprimatu ahalko dira edo, nahigo izanez gero, fitxategia deskargatu ahalko da telefono mugikorrean, antzokira sartzean erakusteko.
• Ebakuazio Araudiaren arabera, sarrera bakoitza eserleku eta bertaratutako pertsona bati dagokio; ondorioz, adinari erreparatu gabe, ezinbestekoa izango da sarrera erostea aretoetara sartzeko eta horiek okupatzeko.