Pirritx, Porrotx eta Marimotots: Bizi dantza

Lurra sortu zen unetik bertatik, jirabiraka dantzari hasi zen bere buruaren eta eguzkiaren inguruan.

Animaliak ere sortu ziren unetik bertatik, dantzari dabiltza lurraren inguruan.

Geu ere hitzaren jabe izan aurretik dantzatzen gara, zaldiak, izurdeak eta tximeletak bezala.

Pozak eta tristurak azaltzeko dantzatzen gara. Barruak agintzen digunean dantzatzen gara. Gure kultura ospatu eta errituak berritzeko. Garen hori mugimenduan jartzeko.

Zangoak luzatuz, gerria mugituz, hegoak astinduz eta ur azpian ere dantzatzen gara gu.

Zatoz gurekin dantzara, atera zure barruko animalia plazara!

– Leire Bilbao

Aktoreak: Aiora Zulaika Porrotx, Joxemari Agirretxe, Mertxe Rodríguez, Oihana Sánchez, Izaskun Forcada

Ekoizpena: Katxiporreta Koop.

Zuzendaritza: Katxiporreta Koop.

Musika: Xabier Zabala, Leire Bilbao

Atrezzoa: Maite Mutuberria, Katxiporreta, Buruarinak (Ipuitantai S.L.)

Promozio berezia

• Antzokiaren lagunak: % 15eko deskontua irailaren 26ko emanaldietarako. Kuota mugatua. Deskontuak erregistratutako antzerki-lagun bakoitzeko sarrerarako balio du. Aretora sartzean identifikatzeko eska dezakete.

Sarreren prezioa bera da Campos Antzokiaren leihatilan nahiz web orrialdean.

BEZa eta banaketa/ticketing gastuak sartuta daude prezioan.

Informazio lagungarria

• Gurpil-aulkia behar duten pertsonentzako sarrerak txarteldegian bakarrik erosi ahalko dira; nahi izanez gero, eserlekuen erreserba egin dezakezu 94 443 86 10 telefono-zenbakira deituta.
• Aretora Interneten bidez erositako sarrerekin sartzeko: Eserlekuak inprimatu ahalko dira edo, nahigo izanez gero, fitxategia deskargatu ahalko da telefono mugikorrean, antzokira sartzean erakusteko.
• Ebakuazio Araudiaren arabera, sarrera bakoitza eserleku eta bertaratutako pertsona bati dagokio; ondorioz, adinari erreparatu gabe, ezinbestekoa izango da sarrera erostea aretoetara sartzeko eta horiek okupatzeko.