Ikimilikiliklik

Ekhi, umetan, hamaika arrazoigatik beldurtzen zen, baina baziren bi gauza guztien gainetik beldur izugarria eragiten ziotenak: norbait babesgabe dagoela ikusteak eta Sorginek, mendi tontor bateko etxola zaharkitu batean bizi ziren emakume bakarti eta maltzurrek.

Ekhi, maite zuen armiarmatxoa salbatzeagatik, beldur ugari gainditzen joan zen. Hala kontatzen digu Ekhik berak, urteek aurrera egin ahala “sorgin” bihurtu den emakume edadetuak.

Halaxe deitzen da Marie de Jongh taldekook prestatzen ari garen proiektu Berria. Izan ere, gure proiektuaren lehen protagonista sorginei sekulako beldurra zien baina, denborarekin, “sorgin” bihurtu den neskato/emakume bat da.

Bigarren protagonista, berriz, hitza da. Marie de Jonghen ibilbidean ez dugu hitzik erabili. Betiere mutu jardun dugu. Oraingo honetan, ordea, istorioak hala eskatzen duelako, edo hobe esanda, kontatzeko modurik egokiena hitza erabiliz izango dela jakinik, hura baliatzea deliberatu dugu. Erronka polita, bada, salda berean hitza, sorgin keri eta tasunak sartzea.

Eta, zer da partekatu nahi dugun hori? Beldurraren inguruko hausnarketa bat partekatu nahi dugu, bere izaera zikiratzaileaz, gure erabakien gainean duen botere gupidagabea; baina, aldi berean, gure identitatearen parte ere badena eta nola jakin behar dugun harekin bizitzen.

Ikuskizun honetako sarrerak eros ditzakezu Bizkaia Aurrera Kultura Bonua B mota (soilik leihatilan).

Egile eta zuzendaria: Jokin Oregi

Jokalariak: Ana Meabe / Leire Omeñaca / Juana Palacios, Maitane Sarralde

Musika: Adrián García de los Ojos

Jantziak: Rosa Solé

Argiztapena: Javi Kandela

Eszenografia eraikuntza: Collider Film Solutions. Koop.

Atrezzoa: Javier Tirado

Efektuak: Joseba Uribarri

Argazkiak: Pío Ortiz de Pinedo

Kartelaren disenua: Ane Pikaza

Produkzio exekutiboa: Pío Ortiz de Pinedo

Produkzio laguntzailea: Nagore Navarro

Ekoizpena: Compañía Marie de Jongh

Eskerrak: Mayda Zabala, Getari Etxegarai eta Eneritz Zeberio